Կառլես Պույոլը կվերադառնա «Բարսելոնա»

«Բարսելոնայի» նախկին ավագ Կառլես Պույոլը կվերադառնա ակումբ, որտեղ անցկացրել է իր ամբողջ մարզական կարիերան՝ հաղորդում է TV3-ը:

42-ամյա Պույոլը, ըստ աղբյուրի, չի զբաղվի սպորտային գործունեությամբ, այլ կմասնակցի «Բարսելոնայի» հիմնադրամում սոցիալական նախագծերի ստեղծմանը:

Ակնկալվում է, որ Պույոլն ու նրա կինը բազմաթիվ սոցիալական նախագծեր կիրականացնեն «Բարսելոնայի» հիմնադրամի հովանավորչությամբ: Բացառված չէ, որ նա զբաղեցնի հիմնադրամի նախագահի պաշտոնը:

Նշվում է, որ ակումբի նորընտիր նախագահ Ժոան Լապորտան անվերապահորեն աջակցում է իսպանացուն: